Самарқанд шаҳрига киришдаги “Штаб” маскани, Оқдарё ва Иштихон туманлари чегарасидаги “Лойиш” маскани, Пастдарғом туманига киришдаги “Чархин” маскани ва Нарпай туманидаги “Мирбозор” йўл-патруль масканлари олиб ташланди, деб хабар беради ЎзА.
Йўлларда қатнов тиғиз бўлган пайтларда тирбандликлар юзага келадиган йўл-патруль хизмати масканларидан бугун транспорт воситалари эркин ҳаракатланмоқда.
Шунингдек, Фарғона вилоятида 8 та йўл-патруль хизмати масканини олиб ташлаш тадбирлари кўрилмоқда.
Эслатиб ўтамиз, Президент Олий Мажлисга тақдим этган Мурожаатномасида вилоятлар чегарасидаги барча йўл-патруль постларини тугатиш, патруль хизмати стационар постлари сонини кескин камайтириш бўйича топшириқ берганди.
