АҚШнинг Шимолий Каролига штатида яшовчи аёл қизини чўқинтиргани учун бир ҳафталик қамоқ жазосига ҳукм қилинди, деб хабар берди Lenta.ru нашри.
36 ёшли Кендра Стокс 16 февраль куни қамоққа олинган. 2016 йилнинг август ойида аёл қизининг отаси билан келишмасдан черковга бориб, қизини яширинча чўқинтирган. У эри билан маросимни ўтказиш куни бўйича бир қарорга келолмаган.
Эркак Facebook ижтимоий тармоғига жойлаштирилган суратлар орқали қизининг чўқинтирилганини билиб қолган ва рафиқасидан жаҳли чиқиб, уни судга берган. Аввалига Стоксга 10 кун озодликдан маҳрум этиш жазоси тайинланган, кейин мазкур жазо 3 кунга қисқартирилган.
Нашрнинг хабар беришича, жуфтлик бор-йўғи 6 ой бирга яшаган.
