Қадим Бухорода биринчи марта ҳаво шари учирилди. Ушбу ташаббус Ўзбекистон Республикаси Туризмни ривожлантириш давлат қўмитаси, тижорат банклари ҳамда Ўзбекистон аэронавтика федерацияси билан ҳамкорликда амалга оширилди, деб хабар берди қўмита матбуот хизмати.
Ҳаво шарлари ёрдамида сайёҳлар қадимий Бухоро устидан осмону фалакка кўтарилади ва улар ярим соат давомида қадимий шаҳар гумбази бўйлаб 100 метр баландликдан бутун шаҳарни томоша қилишлари мумкин бўлади. Бу эса сайёҳларга ажойиб фотосуратлар олиш ва хушкайфият тақдим этади.
