2018 йил 1 декабрь куни соат 12:00да Мажбурий ижро бюроси Шайхонтоҳур туман бўлими ва туман прокуратураси ходимлари билан ҳамкорликда МИБ Шайхонтоҳур туман бўлими суриштирувчиси М.Сиддиқжоновнинг билдиргисига асосан, Тошкент шаҳар, Шайхонтоҳур туман Қоратош кўчасида жойлашган “FOCUS” мебиль салони олдида ўтказилган тезкор тадбир ўтказилган.
Тадбирда тадбиркор А.В. қандолат маҳсулотлари ишлаб чиқариш цехида электр энергиясидан ноқонуний фойдаланиш ҳолати юзасидан ўтказилган текширишда аниқланган қоидабузарлик бўйича 116.900.000 сўм етказилган зарарни камайтириб кўрсатиб, тўлов учун 5.000.000 сўм ҳамда мазкур тўпланган ҳужжатлар бўйича жиноят иши қўзғатмаслик эвазига суриштирувчи М.Сиддиқжоновга пора тариқасида 5.000.000 сўм, жами бўлиб 10.000.000 сўм берган вақтида ашёвий далиллар билан ушланган.
Унга нисбатан шу куни Ўзбекистон Республикаси Жиноят Кодексининг211-моддаси 1-қисми билан жиноят иши қўзғатилиб, ҳозирда тергов ҳаракатлари олиб борилмоқда. МИБ томонидан бу каби тадбир давом эттирилмоқда.
Ўтказилган яна бир тадбирда, 2018 йил 1 декабрь куни соат 18:30да Шайхонтоҳур туманидаги Ипакчилик илмий тадқиқот институти бош энергетиги И.Н., ушбу институтнинг электр энергиясидан ноқонуний фойдаланиш ҳолати юзасидан ўтказилган текширишда аниқланган қоидабузарлик бўйича 399.170.112 сўм етказилган зарарни камайтириб кўрсатиш ҳамда мазкур тўпланган ҳужжатлар бўйича жиноят иши қўзғатмасликни ният қилган.
Шундан сўнг, И.Н. томонидан МИБ туман бўлими суриштирувчига пора тариқасида 2.000 АҚШ доллари пора тариқасида беришини маълум қилиб, шундан 450.000 сўм берган вақтида ашёвий далиллар билан ушланган. Унга нисбатан шу куни Ўзбекистон Республикаси Жиноят Кодексининг 211-моддаси 1-қисми билан жиноят иши қўзғатилиб, ҳозирда тергов ҳаракатлари олиб борилмоқда.
