Тошкентнинг Бешёғоч кўчаси бўйлаб 17 декабрдан 1 мартга қадар ҳаракатланиш чекланади.
Ушбу қарор Тошкент шаҳар ҳокимининг 2018 йил 11 декабрдаги кўрсатмасига асосан қабул қилинган, дейилади ИИББ матбуот хизматининг хабарида.
Маълум қилинишича, "Ҳумо Арена" муз комплексининг қурилиши муносабати билан барча турдаги автомобилларга (қурилишда иштирок этаётган автомобиллардан ташқари) Бешёғоч кўчасининг Фурқат кўчасидан Афросиёб кўчасига қадар ҳаракатланиш чекланади.
