Ўзбекистон Республикаси Президентининг “Ўзбекистон Республикаси божхона органлари кадрларини тайёрлаш тизимини тубдан такомиллаштириш чора-тадбирлари тўғрисида”ги 3995-сон Қарорига мувофиқбожхона органлари кадрларини касбий тайёрлаш тизимини такомиллаштириш мақсадида институт томонидан етакчи хорижий таълим муассасалари билан ҳамкорликни ривожлантириш, шу жумладан, кадрлар тайёрлаш, профессор-ўқитувчиларнинг малакасини ошириш ва стажировкадан ўтказиш соҳасида тажриба алмашиш бўйича тизимли ишлар амалга оширилмоқда.
Ушбу чора-тадбирларнинг узвий давоми сифатида Ўзбекистон Республикаси Давлат божхона қўмитаси Божхона институтида ушбу институт билан Ўзбекистон Республикаси Давлат солиқ қўмитаси ҳузуридаги Малака ошириш марказиўртасида ўзаро ҳамкорлик меморандумини имзолаш тадбири бўлиб ўтди.
Тадбирда Божхона институти бошлиғи, В.Эргашев, Божхона иши факультети бошлиғи, божхона хизмати полковнигиА.Суюнов ва кафедра бошлиқлариҳамдаДавлат солиқ қўмитаси ҳузуридаги Малака ошириш марказидиректори М.Комилов,Малака ошириш марказининг ўқув ишлари бўлими бошлиғи Ф.Ваҳобов ва бошқа ходимлариштрок этишди.
Тадбир давомида божхона ва давлат солиқ хизмати органлари ходимларини қайта тайёрлаш ва малакасини ошириш тизимини янада такомиллаштириш, уларнинг божхона божлари, солиқлар ва солиққа тортиш ҳамда ҳуқуқбузарлик профилактикаси соҳасида тизимли таҳлил ва танқидий фикрлашини ривожлантириш ва янада такомиллаштириш, юқори малакали мутахассисларни қайта тайёрлаш ва малакасини ошириш, ўқув, услубий ва илмий таъминот соҳасида кучларни бирлаштириш, фундаментал ва амалий тадқиқотларни олиб бориш, қонунчиликни такомиллаштириш бўйича таклифлар ва тавсиялар ишлаб чиқиш бўйича таълим муассасалари ўртасидаги ҳамкорликни ривожлантириш масалаларни қамраб олувчи меморандум имзоланди.
