"Bahor I.O." МЧЖ мансабдор шахслари жамиятга тегишли бўлган пишган ғишт ишлаб чиқариш цехи томонидан табий газ ҳисоблаш ускунасининг кўрсаткичларини ўзгартирганликлари аниқланди. Бу ҳақида Бош прокуратура жамоатчилик билан алоқалар ва ҳуқуқий ахборот бўлими маълум қилди.
Мазкур ноқонуний ҳаракат оқибатида газ таъминоти ҳудудий филиалининг манфаатларига 417,3 млн сўмлик зарар етказилган.
Айни пайтда ҳолат юзасидан 2019 йил 30 октябр куни МИБ Навоий шаҳар бўлими томонидан ЖКнинг 185-2-моддаси 4-қисми билан жиноят иши қўзғатилган.
Тергов ҳаракатлари олиб борилмоқда.
