Санкт-Петербург метросида содир этилган теракт бўйича суд жараёнида прокуратура ўзбекистонлик аёл Шоҳиста Каримовага умумий тартибли колонияда 20 йилга озодликдан маҳрум этишни сўради. Прокурор, шунингдек, унга 1 миллион рубль миқдорида жарима тайинлашни сўраган, дея хабар беради Подробно.уз мухбири.
Санкт-Петербургда 15 кишининг умрига зомин бўлган ва 67 киши жароҳатлаган ҳужум 2017 йилнинг 3 апрель куни содир этилган. Ҳудкуш Акбаржон Жалилов “Сенная Площадь” станциясидан “Технологик институт” бекатига ҳаракатланаётган электр поездда ўзини портлатиб юборган. «Площадь Восстания» бекатига қўйилган портловчи мослама техник носозлик туфайли ишламаган.
Каримова билан бир қаторда, ўнта айбланувчи ҳам судда иштирок этмоқда. Прокурорнинг сўзларига кўра, уларнинг барчаси “Катиба Тавҳид Вал Жиҳад” террорчилик гуруҳига аъзо бўлган. Тахминларга кўра, унинг аъзолари шунингдек халқаро қидирувда бўлган Исломбек Турғунов ва Бобиржон Маҳбубов ҳамда 2017 йилнинг март ойида Владивостокдаги ҳарбий кемада портлашни тайёрлаётган ва Қирғизистоннинг энг юқори колониясида жазони ўтаётган Муҳаммаджон Турдиев бўлган.
Судланувчилар ўз айбларини рад этмоқдалар, улар жисмоний ва руҳий босим ўтказиш орқали терактни тан олишга мажбур бўлганликларини даъво қилмоқдалар.
Давлат айбловчиси Надежда Тихонова Аброр Азимовни, унинг акаси Акромни ва ака-ука Иброҳим ва Муҳамадюсуп Эрматовни махсус тартибли колонияда умрбод қамоқ жазосига ҳукм қилишни сўради.
Прокуратура Содиқ Ортиқовга 28 йил, Аъзамжон Махмудов, Маҳамадюсуп Мирзаалимов, Сейфулла Ҳакимов, Баҳром Эргашев ва Дилмурод Мўйдиновларга 27 йилдан қамоқ жазоси берилишини талаб қилмоқда. Шунингдек, уларнинг ҳар бирига миллион рубль миқдорида жарима солиниши мумкин.
Прокурор айбланувчилар ичидаги ягона аёл учун ёзилган жазони ўқий олмади: Шоҳиста Каримова ҳушидан кетди. Ўзига келгач эса қичқириб йиғлай бошлади. Аёлни қўриқчилар хонасига олиб кириб, тез ёрдам чақиришди.
Қолган судланувчилар ҳам шовқин кўтарди. Муҳамадюсуп Мирзаалимовнинг онаси ҳам саросимага тушди. Аёл ўғли айбсизлиги сабабли ҳуқуқ-тартибот идоралари ходимлари ўғлини айбсиз деб топиш бўйича сўз берганликларини таъкидлади.
Ярим соатдан сўнг конвой бошлиғи судья Андрей Морозовга иккита хат юборди. Биринчисида у Шоҳиста Каримовага тиббий ёрдам кўрсатилгани ва у учрашувда қатнашиши мумкинлиги, иккинчида эса аёл суд залига қайтишдан бош тортаётгани айтилган. Суд мажлиси кейинги кунга қолдирилди.
