Ўзбекистон Республикаси Бош прокурорининг қонунчилик ташабусси билан вояга етмаганларнинг ҳуқуқлари кафолатларига оид қонунчилик такомиллаштирилди, дея хабар бермоқда Бош прокуратура Матбуот хизмати.
Бош прокурорнинг қонунчилик ташабусси ҳуқуқи асосида ишлаб чиқилган “Бола ҳуқуқлари кафолатларининг янада кучайтирилиши муносабати билан Ўзбекистон Республикасининг айрим қонун ҳужжатларига ўзгартиш ва кўшимчалар қиритиш тўғрисида”ги Қонун қабул қилинди.
Ушбу Қонунга асосан жиноят процессида вояга етмаганларнинг ҳуқуқ ва қонуний манфаатларини ҳимоя қилиш фаолиятини таъминлашнинг ҳуқуқий асослари янада такомиллаштирилди.
Жумладан, жиноят процессида қонуний вакилнинг мажбуриятларига ўзи вакиллик қилаётган шахсга нисбатан ўтказиладиган процессуал ҳаракатларда иштирок этиш мажбурияти киритилди ҳамда унинг иштирокисиз болаларга нисбатан процессуал ҳаракатлар ўтказишнинг тақиқланиши қайд этилди.
Гувоҳ ёки жабрланувчини сўроқ қилиш қонуний вакили ёки катта ёшдаги яқин қариндоши, педагог ёки жабрланувчининг вакили иштирокида уларнинг розилиги билан ўтказилиши, вояга етмаганларга нисбатан мураккаб тиббий текширув усулларидан, кучли оғриқ бериш билан боғлиқ усуллардан мажбурий фойдаланишга фақат унинг қонуний вакили, васий ёки ҳомийсининг розилиги билан амалга оширилиши, гувоҳ сўроқ қилиниб бўлгач, суд мажлиси залидан чиқариб юборилиши лозимлиги ҳақидаги қоидаларнинг қўлланилиши ёши ўн олтидан ўн сакккизга оширилди.
Шунингдек, қонун ҳужжатларида вояга етмаганлар жиноятлари тўғрисидаги ишларда ҳимоячидан воз кечишга йўл қўйилмаслиги белгиланди.
Бундан ташқари, Қонун билан вояга етмаганларнинг қонуний вакиллик институти кенгайтирилди.
Хусусан, вояга етмаганларнинг илтимосига кўра, уларнинг қонуний вакили билан бир қаторда яқин қариндошларидан бири ёки ўзи ишонадиган бошқа шахс ишда қонуний вакил сифатида иштирок этишга йўл қўйилиши мумкинлиги ҳақидаги қоидалар белгиланди.
Ушбу Қонунда назарда тутилган янги нормалар жиноят процессида иштирок этувчи вояга етмаганларнинг ҳуқуқларини таъминлашда муҳим ўрин тутади.
21.09.2021, 10:42
Жиззахда туман прокурори ДХХ томонидан қўлга олинди.У 800 АҚШ доллари пора олган вақтида ушлангани айтилмоқда. ДХХ матбуот хизмати бу ҳақда маълум қилди.Маълум бўлишича, Жиззах вилоятидаги...
23.08.2021, 16:52
Ижтимоий тармоқларда прокурор ўз уйига ободонлаштириш ходимларини "ҳашар" га жалб қилинганлиги ҳақида хабарлар тарқалган эди.Қўрғонтепа тумани прокурори ҳақиқатдан ҳам Андижон туманида жойлашган участкасида туман ободонлаштириш...
14.08.2021, 21:01
Ижтимоий тармоқларда "Прокурор тадбиркорга майиб қилишини айтиб "таҳдид" қилди" сарлавҳаси билан хабарлар тарқалди. Мазкур ҳолат Самарқанд вилояти Прокурори билан боғлиқлиги айтилмоқда.Интернетда Нарпай туман прокурори таҳдид қилганлиги...
20.01.2021, 12:39
Марказий Сайлов комиссияси раиси ўринбосари лавозимида фаолият юритиб келган Махмуд Шухратович Истамов Бухоро вилоятининг прокурори этиб тайинланди. Бу ҳақда Марказий сайлов комиссияси ахборот хизмати хабар...
