Тошкент метрополитени вакиллари Юнусобод йўлини узайтириш бўйича қурилиш ишлари 2015 йилга режалаштирилмаганини маълум қилди. Бу ҳақда uz24.uz нашри хабар беради.
Маълумот берилишича, “Toshkent metropoliteni” давлат унитар корхонаси Uz24 таҳририятига йўллаган расмий хатида қайд этишича, ҳозирда йўлкирани электрон усулда тўлаш тизимини жорий этиш бўйича ишлар олиб борилмоқда. Янги тизим ишга туширилиши билан ОАВга хабар берилади.
Бундан аввал пойтахтнинг Юнусобод туманида шу номдаги метро йўлининг қурилиши тўхтаб қолган қисмларидаги бунёдкорлик ишлари қайтадан бошланиши мумкинлиги ҳақида хабар тарқалган эди.
