Электрон онлайн аукционларни ташкил этиш Маркази бугун, 11 декабрь бошланган онлайн-аукционларда жами 113 та лот ўйналади, онлайн савдода иштирок этиш учун 494 та ариза келиб тушганлигини маълум қилди.
Ҳозирда барча лотлар учун савдолар бошланган. 74 та ер участкаси учун онлайн-аукционлар бўлиб ўтади.
Кеча 10 декабрь куни E-ijro орқали бошланғич нархи 4,5 млн.сўм бўлган Cielo русумли автотранспорт воситаси 26,6 млн.сўмга сотилди. Савдоларда 105 нафар шахс иштирок этди, шунингдек Наманган вилоятида жойлашган Миллий банк биноси 4,475 млрд.сўмга, Навоий вилояти Учқудуқ туманидаги бошланғич нархи 0,54 млн сўм бўлган маиший хизмат кўрсатиш биносини қуриш учун мўлжалланган ер участкаси 294 млн.сўмга сотилган.
Сурхондарё дарёсининг Термиз шаҳри Паттакесар МФЙ ҳудудидан оқиб ўтувчи қисмидаги бошланғич нархи 229,2 млн сўм бўлган участкаси нархи онлайн-аукционда 1,512 млрд сўмга кўтарилди. Аукцион савдоси давом этмоқда.
