Электрон онлайн аукционларни ташкил этиш маркази берган маълумотларга кўра, 17 декабрь куни 51 та лот учун ўтказилган савдолар ўз ниҳоясига етди.
Онлайн аукцион натижалари қуйидагича:
🔺бошланғич нархи 2,3 млн.сўм бўлган Ваз-2106 учун 128 киши савдода қатнашиб, нарх 246 қадам оширилган. Натижада мулк 19,4 млн.сўмга сотиб олинди.
🔺бошланғич нархи 2,3 млн сўм бўлган яна бир Ваз-2106 учун 160 киши рақобат олиб борди. Лот 22,2 млн.сўмга сотилди.
🔺бошланғич нархи 7 млн сўм бўлган Damas учун 83 киши курашиб, 34,6 млн.сўм таклиф қилган иштирокчи ғолиб бўлди.
🔺2 та ҳар бирининг бошланғич баҳоси 3,2 млн.сўм бўлган Tico автомобиллари учун юздан ошиқ иштирокчилар мусобақалашдилар. Биринчи Tico автомобили учун нарх 152 қадам оширилиб, 17,9 млн.сўмга сотилган бўлса, иккинчи Tico учун нарх 169 қадам кўтарилган. Натижада 22,7 млн.сўмга сотиб олинди.
🔺бошланғич нархи 135 млн.сўм бўлган Исузу автотранспортини сотиб олиш учун 18 нафар шахс ариза берган. Савдо натижаларига кўра ушбу мулк 297 млн.сўмга сотилди.
Шунингдек Қорақалпоғистон Республикаси Элликқалъа тумани Бўстон шаҳарчаси ёнида жойлашган уй-жой қуриш учун ҳар бирининг бошланғич баҳоси 1,8 млн.сўм бўлган 22 та ер участкаси учун онлайн-аукцион савдолари якунланди. Улардан бири 1,9 млн.сўмга сотилган бўлса, қолган 21 та ер участкалари 8 млн.сўмдан 17 млн.сўмгача бўлган нархда сотиб олинди.4 сотихли ер участкалари учун ўртача 4-10 киши талабгор чиққан.
