Бугун халқаро пресс клубда бўлиб ўтаётган "Сайлов кампаниясини 80 куни: қандай ваъдалар берилди ва имкониятлардан қандай фойдаланилди?" мавзуидаги PRESS-KOFEида Ўзбекистон Либерал демократик партияси аъзоси Нуриддин Муродов куни кеча бўлиб ўтган Юнусободдаги метро аварияси хусусида фикр билдирди.
«Халқимиз йирик қурилиш обектларини қуриб битказишни байрамларга тўғирлашга мутлақо норози. Бизнинг партия ҳам бу амалиётга қарши. Метрода содир бўлган воқеани назорат қилиш учун ташкил этилган комиссия таркибида депутатлар ҳам бўлиши керак. Воқеа-ҳодисани ўрганиш ўз йўлига, ундан олдин ҳолат юзасидан мутасаддилар халқдан узр сўрасин!»
