110 нафар иқтидорли талабанинг контрактини Наманган вилояти ҳокимлиги тўлаб беради

Вилоятда талаб юқори бўлган ва мутахассислар етишмаётган йўналишлар бўйича Республика олийгоҳларида таълим олаётган 100 нафар талабанинг контракти маҳаллий бюджет маблағлари ҳисобидан ҳамда чет элда аниқ фанлар йўналишида ўқиётган 10 нафар иқтидорли талабанинг контрактлари ҳокимлик захирасидан тўлаб берилади. Бундай имтиёз тақдим этилган ёшлар билан ўқишни тамомлагач, ўз соҳасида 5 йил вилоят ҳудудида ишлаб бериш юзасидан шартнома имзоланади. (вилоят ҳокими Хайрулло Бозоровнинг Норинда ўтказилган Ёшлар билан мулоқот чоғидаги нутқидан)