Ижтимоий тармоқларнинг бугунги энг кўп муҳокамаларга сабаб бўлаётган мавзу Ўзбекистон Республикасининг "Савдо-саноат палатаси тўғрисида"ги қонунга ўзгариш киритиш тўғрисидаги лойиҳа десак муболаға бўлмайди. Блогер Хушнудбек ССПга мажбурий аъзолик бадалининг миқдори ҳақида маълумот берди.
ССПга мажбурий аъзолик учун йилига қуйидагича бадал пули тўланади:
- давлат улуши бўлган банклар – базавий ҳисоблашнинг 2000 баравари миқдорида, яъни 446 млн сўм;
- йирик солиқ тўловчилар тоифасига ўтказилган корхоналар – 400 “минимал”, яъни 89 млн 200 минг сўм;
- бошқа тижорат банклари – 300 “минимал”, яъни 66 млн 900 минг сўм;
- давлат улуши бўлган суғурта компаниялари – 200 “минимал”, яъни 44 млн 600 минг сўм;
- бошқа суғурта компаниялари – 100 “минимал”, яъни 22 млн 300 минг сўм;
- саноат маҳсулотлари ишлаб чиқариш фаолияти – 70 “минимал”, яъни 15 млн 610 минг сўм;
- қурилиш фаолияти – 60 “минимал”, яъни 13 млн 380 минг сўм;
- улгуржи ва чакана савдо фаолияти – 60 “минимал”, яъни 13 млн 380 минг сўм;
- қишлоқ, ўрмон ва балиқчилик хўжалиги фаолияти – 50 “минимал”, яъни 11 млн 150 минг сўм;
- ташиш ва сақлаш фаолияти – 50 “минимал”, яъни 11 млн 150 минг сўм;
- яшаш ва овқатланиш бўйича хизматлар фаолияти – 50 “минимал”, яъни 11 млн 150 минг сўм;
- ахборот ва алоқа хизмати фаолияти – 50 “минимал”, яъни 11 млн 150 минг сўм;
- соғлиқни сақлаш ва ижтимоий хизматлар кўрсатиш фаолияти – 50 “минимал”, яъни 11 млн 150 минг сўм;
- юқоридагилардан бошқа фаолиятлар – 50 “минимал”, яъни 11 млн 150 минг сўм.
Шунингдек хабарда қуйидаги эслатма ҳам киритилган:
Бу бадал фақат аъзолик мажбурий бўлган йирик тадбиркорлар учун. Аъзолик ихтиёрий бўлган кичик бизнес ва хусусий тадбиркорлик учун аъзолик бадали анча арзон, яъни ЯТТ - 1,5 минимал, микрофирма - 6 минимал, кичик корхона - 20 минимал.
