Косон тумани ҳокимлигининг мажлислар залида журналистлар иштирокида матбуот анжумани бошланди. Матбуот анжуманида вилоят ахборот ва оммавий коммуникациялар бошқармаси бошлиғи Усмон Нусуров ва Вилоят ҳокимлиги ахборот хизмати раҳбари Аҳрор Содиқов иштирок этмоқда. Матбуот анжумани куни кеча тумандаги 98 -умумий ўрта таълим мактаби директори билан содир бўлган коррупцион ҳолат муҳокамасига бағишланган.
Матбуот анжуманида Косон туманидаги мактаб директорлари ҳам иштирок этишди.
Тумандаги 2-мактаб директори Сайёра Орипова қуйидагича фикр билдирди.
— 98-мактаб директорини яхши танийман, инсон сифатида ҳурмат қиламан. Лекин юқоридаги ҳолат барчамизни ҳайратга солди. Балки эътиборсизликми ёки бошқа сабаб у хато қилди,- дейди Сайёра Орипова.
