Коммунал хизматлар бўйича қарздорлиги бўлган шахс “Сувсоз” ишчисига тан шикастлари етказди, дея маълум қилди Тошкент шаҳар ИИББ.
Келтирилишича, 21-январь куни Олмазор тумани прокуратура органларидан келиб тушган хабарга кўра, 2019 йил 16-декабрь куни соат 11.00 да 52 ёшли Эркин К., унга қарздорлиги ҳақида билдириш хати олиб келган “Сувсоз” ишчиси 30 ёшли Баходир Н.га тан шикастлари етказган.
Суд-тиббий экспертиза маълумотларига кўра, Баходир Н.га ўрта оғирликдаги тан шикастлари етган. Олмазор тумани прокуратураси томонидан Ўзбекистон Республикаси Жиноят кодексининг 219-моддаси (“Ҳокимият вакилига ёки фуқаровий бурчини бажараётган шахсга қаршилик кўрсатиш”) бўйича жиноий иш қўзғатилди.