Ўзбекистон Республикаси Туризмни ривожлантириш давлат қўмитасида Бош вазир ўринбосари – Туризмни ривожлантириш давлат қўмитаси раиси Азиз Абдуҳакимов бошчилигида йиғилиш ўтказилди. Бу ҳақда Қўмита матбуот хизмати хабар берди.
Йиғилиш иштирокчиларига Ўзбекистон Республикаси Президентининг 2020 йил 29 январдаги 4578-сонли Қарори ўқиб эшиттирилди. Унга кўра, Абдулазиз Уролбоевич Аққулов Туризмни ривожлантириш давлат қўмитаси раисининг биринчи ўринбосари лавозимига тайинланди.
Шу кунга қадар ушбу лавозимда фаолият юритган Улуғбек Патхиддинович Касимходжаев эса бошқа ишга ўтиши муносабати билан лавозимидан озод қилинди.
