Сафарга йўл олган, ҳаж ва умра амалларини бажараётганлар учун эслатма:
· Спиртли нам салфеткалар ёрдамида қўлларингизни тез-тез артиб туринг, спиртли дезинфекцияловчи воситалардан фойдаланинг ёки қўлларингизни совун билан ювинг.
· Шамоллаш ёки грипп аломатларига эга одамлар билан яқиндан мулоқот ва алоқа қилишдан чекининг.
· Юзингизни қўл билан кўп ушламанг.
· Йўталганда ва бурнингизни қоққанингизда оғзингиз билан бурнингизга салфетка тутинг. Ундан кейин салфеткани дарҳол ахлатга ташланг ва қўлингизни ювинг.
· Бетоблигингизни сезсангиз, Сиз билан сафарга чиққан гуруҳ аъзоларингизга бу ҳақда хабар беринг ва имкон бўлиши билан шифокорга мурожаат қилинг.
· Фақат яхшилаб пиширилган (қайнатилган ёки қовурилган) овқатни истеъмол қилинг.
· Жамоат жойларида тупурманг.
· Касал уй ҳайвонлари билан, жумладан, сафарларда яқин алоқадан йироқ бўлинг.
· Сафарингиздан олдин Сизда шамоллаш ёки грипп (ўткир респиратор касаллик) аломатлари кузатилса, сафарни бекор қилинг ва зудлик билан шифокорга мурожаат қилинг.
· Доим оғиз ва бурун ниқобларидан фойдаланишни ва яшаш уйингизни тоза ҳаво билан шамоллатишни унутманг.
