Ижтимоий тармоқда Наманган вилояти Поп тумани Бандликка кўмаклашиш маркази мутасаддилари жорий йил 17 февраль куни соат 8 дан 10.30гача йиғилиш қилиб марказга мурожаат қилган одамларни куттиргани юзасидан хабар тарқалди.
Олиб борилган ўрганишлар натижасида 2020 йил 17 февраль куни Поп тумани АБКМ мутасаддилари соат 9.00дан 10.00гача марказга мурожаат қилган фуқароларга хизмат кўрсатгани аниқланди. 10.00да тезкор йиғилиш ўтказиш белгиланган ва у 10.20 гача давом этган. Бу ҳақда Меҳнат вазирлиги матбуот котиби хабар берди.
Тушунмовчилик сабаб иккинчи қават эшиги ўрнига кириш эшиги ёпилган.
Поп тумани Аҳоли бандлигига кўмаклашиш маркази директорига иш фаолиятида йўл қўйган камчилиги сабаб интизомий жазо қўлланилди.
