Хориждан турли найранглар-у қинғир йўллар билан қимматбаҳо металлар ва заргарлик буюмларини яширинча олиб киришга бўлган уринишларга қарши божхона органлари томонидан тизимли равишда кураш олиб борилмоқда.
Жумладан, Тошкент халқаро аэропортига хорижий рейс билан учиб келган фуқаро Н.Қ.нинг хатти-ҳаракатлари божхоначилар эътиборини тортди ва ушбу шахс ўрнатилган тартибда божхона кўригидан ўтказилди. Бу ҳақда Давлат божхона қўмитаси ахборот хизмати хабар бермоқда
Натижада, ушбу шахс декларацияда кўрсатмасдан ва божхоначиларнинг оғзаки сўровида маълум қилмасдан эгнидаги кийимлари ва юклари орасига уддабуронлик билан умумий қиймати 102 миллион сўмлик 361 грамм қимматбаҳо металлардан ясалган заргарлик буюмларини яширганлиги аниқланди.
Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.
