11 март куни вилоят ИИБ томонидан Наманган шахар “Отчопар” ўйингохида “Оммавий тартибсизликларни олдини олиш, жамоат тартибини сақлаш, фавқулодда ҳолатлар содир бўлганда унинг оқибатларини бартараф этиш” мавзусида ҳамкорликдаги махсус-тактик машқи ўтказилди. Бу ҳақда Наманган вилояти ИИБ Ахборот хизмати хабар берди.
Унда Наманган вилояти ва Наманган шахар хокимлиги, вилоят ИИБ, Прокуратура, ДХХ, Миллий Гвардия, ФВБ, Божхона, Соғлиқни сақлаш бошқармаси ва ҳудудий бўлимлари ҳамда бошқа алоқадор идоралар вакиллари иштирок этишди.
Машқ афсонасига кўра 2020 йил 11 март куни соат 09:30да Наманган шаҳар “Дўстлик бозори” худудида буюмларни харид қилиш учун келган фуқаролар ва чакана савдо билан шуғулланаётган тадбиркорлар бозор худудида мунтазам равишда электр манбаи ўчирилаётганлиги натижасида пластик карталардан савдо қилиш имкони бўлмаётганлигидан норози бўлиб, 200 нафарга яқин сотувчи ва фуқаролар тўпланиб, рухсат этилмаган намойиш қилишни режалаштирилаётганлиги хақида вилоят ИИБ Пост патруль хизмати ва жамоат тартибини сақлаш бошқармаси батальони наряди ходимлари томонидан Наманган шахар ички ишлар органлари фаолиятини мувофиқлаштириш бошқармаси навбатчилик қисмига маълумот тақдим этилди.
Юзага келган вазиятга бахо бериб, Хамкорликдаги тезкор штаб бошлиғи- Наманган вилояти ИИБ бошлиғи полковник А.И.Атаходжаев томонидан барча ички ишлар органлари маъмурий биноларини қўриқлаш ва мудофаа этилиши хамда оммавий тартибсизликларни олдини олиш, жамоат тартибини сақлаш, фавқулодда ҳолатлар содир бўлганда унинг оқибатларини бартараф этиш ҳақида қарор қабул қилди ва махсус куч воситалари орқали вазият бартараф этилди.
Юртимизга Наврўз умумхалқ байрами якинлашиб келмоқда. Ушбу байрамда шаҳар-у қишлоқларда, боғ-у ҳиёбонларда турли сайллар, байрам тантаналари нишонланади. Наманган вилоят аҳолиси байрамни кўтаринки кайфият ва беҳавотир қарши олишлари учун Ички ишлар органлари томонидан жамоат тартибини сақлаш, фуқаролар хавфсизлигини таъминлаш борасида масъулиятни яна бир карра ошириш лозим бўлади. Юқоридаги каби махсус-тактик машқлари эса ходимларнинг бу борадаги жанговар салоҳияти ҳамда жисмоний тайёргарлигини мустаҳкамлайди.
