Хопкинс университети бугун, 17 апрель санасига кўра, дунё бўйича коронавирусга чалинганлар, 2 158 033 нафар, вафот этганлар 144 221 нафарни ташкил этаётгани ҳақида маълумот берди. Бу ҳақда Халқаро ва Жаҳон сиёсати, ижтимоий-иқтисодий хабарлар ва таҳлил канали ёзмоқда.
Қуйида энг кўп (касалланганлар/вафот этганлар) ҳолатлар кузатилган давлатлар келтирилмоқда:
- АҚШ - 670 353 / 33 268;
- Испания - 184 948 / 19 315;
- Италия - 168 941 / 22 170;
- Франция - 147 091 / 17 941;
- Германия - 137 698 /4 052;
- Буюк Британия - 104 146 / 13 759;
- Хитой - 83 428 / 3 346;
- Эрон - 77 995 / 4 869;
- Туркия - 74 193 / 1 643;
- Бельгия - 34 809 / 4 857;
Эслатиб ўтамиз, айни пайтга қадар Ўзбекистонда коронавирус инфекцияси қайд этилганлар сони 1349 нафарни ташкил қилмоқда.
Ҳозирга қадар коронавирус оқибатида 4 киши вафот этган, шунингдек, беморларнинг 129 нафари соғайди.
Шунингек, Республика бош давлат санитария инспектори Нурмат Отабеков коронавирусга чалинган беморларнинг аҳволи ҳақида маълумот берган эди. Унга кўра, Вирусология илмий-текшириш институти клиникасида даволанаётган 100 беморнинг 26 нафарида пневмония клиник белгилари кузатиляпти, 4 нафарининг аҳволи оғир, 1 нафарининг аҳволи нисбатан оғир ва яна 1 нафарининг аҳволи ўта оғир. Эпидемиология-микробиология ва юқумли касалликлар илмий текшириш институтида даволанаётган 101 бемордан 2 нафарининг аҳволи оғир, Тошкент тиббиёт академияси кўп тармоқли клиникасида даволанаётган 124 бемордан 6 нафарининг аҳволи оғир, деб баҳоланяпти.
