Ижтимоий тармоқларда Ўзбекистон халқ артисти Юлдуз Усмонова "Прямой Эфир"да милицияни қаттиқ танқид қилганлиги акс этган видео кенг жамоатчиликнинг асосий муҳокамасига айланди.
Маданият вазирлиги хонанданинг бу ҳатти-ҳаракатини қоралади, ИИВ суриштирувни бошлаб юборди.
Аммо бу борада депутатнинг фикри бўлакча.
"Бир артист ҳиссиёт билан оғзига келганин гапирди. Уни гапларидан бирон киши на моддий на жисмоний зарар кўрмади. Лекин, минглаб инсонлар уни жазолашни талаб қилишяпти.
Сув омбори қулашидан эса ўн минглаб одам бошпанасиз қолди, инсонлар ҳаёти ҳавф остида, ҳатто вафот этганлар бор. Лекин, айбдорларни жазолашни талаб этаётганлар эса бармоқ билан санарли.
Биз ўзимиз артисларга ўралашиб қолган жамиятмиз. Шунчалар майдалашиб кетганмизки ҳаётимиз билан боғлиқ йирик нарсаларниям кўролмайдиган бўлиб қолганмиз.
Артистни жазоланишидан жамият деярли ҳеч нарса ютмайди, аммо фожеаларга сабаб бўлаётган амалдорларнинг жазоланмаслигидан жамият жуда катта ютқазади. Бизга нима муҳимлигини англаб олишимиз зарур. Зеро, нимани буюртма қилсак ўшанга эришамиз, дейди у.
