Жорий йилнинг 19 май куни соат 13:30 ларда Бухорода содир этилган ЙТҲ натижасида 19 ёшли қиз вафот этганлиги ҳақида хабар берган эдик.
Бухоро вилояти, Қоракўл туманидан ўтган 4R-76 “Қоракўл-Янгибозор-Жиғачи” автомобиль йўлининг 7 км.да ҳайдовчи 1989 йилда туғилган М.Ж. (эркак) “Нексия” автомобилини тезлигини ошириб, олдинда кетаётган автомобилни қувиб ўтиш мақсадида қарама-қарши йўналишга чиқиб кетган.
Натижада қаршисидан келаётган ҳайдовчи 1981 йилда туғилган Н.Т. (эркак) бошқарувидаги “Ласетти” транспорт воситасининг олд қисмига урилганлиги ҳақида хабар берган эдик.
“Нексия” русумли транспорт воситаси олди ўриндиғида ўтирган йўловчи 2001 й.т. З.Н. (қиз бола) оғир тан жароҳатлари билан шифохонада вафот этган.
Автомобиль ҳайдовчиси М.Ж. ва йўловчиси 1979 й.т. С.А. (аёл) тан жароҳати олиб шифохонага ётқизилган.
Маълум бўлишича, тезликни ошириб қизнинг ўлимига сабабчи бўлган ҳайдовчи М.Ж. бир йил мобайнида 12 маротаба қоидабузарлик содир этганганлиги сабабли Маъмури жавобгарлик кодексининг бир неча моддалари билан жазонаган.
Мазкур ЙТҲ юзасидан Қоракўл тумани ИИБ ТБ томонидан суриштирув ишлари олиб борилмоқда.
