Халқ банки мамлакатимизда биринчи бўлиб “Хатарларни бошқариш тизими”ни автоматлаштириш жараёнига киришди ва бунда молиявий хатарларни бошқариш тизимини Finastra Fusion Risk негизида трансформация қилиш учун FinExtra МЧЖ компаниясини танлади.
FinExtra МЧЖ катталиги бўйича дунёда 3-ўринда турувчи Fintex компанияси бўлган Finastra (Буюк Британия) компаниясининг эксклюзив ҳамкоридир. Fusion Risk қаторига шундай тизимлар кирадики, улар риск-менежмент бўйича бой халқаро тажрибани умумлаштирган бўлиб, турли молиявий хатарларни, шу жумладан, бутун банк миқёсидаги хатарларни ҳам, комплекс бошқариш вазифаларини ҳал қилади. Fusion Risk тизимидан бутун дунё бўйлаб 250 дан ортиқ мижозлар фойдаланишади. Fusion Risk тизими Societe Generale, European Bank, Erste Bank ва Альфа банк сингари бир қатор банкларда жорий этилган, у Ўзбекистон Марказий банки талабларига тўлиқ мослаштирилган.
Тизимни жорий этиш банкка хатарларни идентификация қилиш, кредит хатари, бозор таваккалчилиги, ликвидлик хатари, фоиз ставкалари ўзгариши хатари, бошқарилувчи метрик хатарлар (BaseII/III и МСФО 9) ва стресс-тест ўтказиш кабиларни бошқариш учун тўлиқ функцияли тизимни тақдим этишга имкон беради.
Халқ банки FinExtra компанияси билан Fusion Risk’ни асосий банк тизими ва банкнинг бошқа ички тизимларига Finastra FusionFabric Connect деб аталувчи жиҳоз орқали улаш мақсадида ҳамкорлик қилади, бу эса барча бирламчи тизимлардан маълумотларни содда ва аниқ шаклда онлайн равишда йиғишни таъминлайди.
