Тошкентда 7 июнь куни коронавирус юқтириш бўйича антирекорд қайд этилди. Маълум бўлишича, 7 июнда аниқланган 195 беморнинг 183 таси — битта муассасада ишлаётган қурувчилар бўлган. Хўш, бу куни коронавирус аниқланган қурувчилар қайси ҳудуддан бўлган? Бу саволга Замон кўрсатувида жавоб берилди.
Хусусан Санитария-эпидемиологик осойишталик агентлиги директори биринчи ўринбосари Ботиржон Қурбонов қуйидагиларни маълум қилди. Унинг айтишича ҳолат бўйича 300 дан ортиқ одам карантинга олинган, фақат қурувчиларнинг оила аъзолари эмас...
Энди ўша 183 қурувчи қайси қурилиш компаниясининг ишчилари эди, деган савол туғилади. Бу ҳақда очиқ айтилмаяпти. Б.Эргашевнинг таъкидлашича, мазкур маълумотларни очиқ айтиш қурилиш ташкилотининг обрўсизланишига олиб келиши мумкин.
Вирус аниқланган қурувчиларнинг оила аъзолари карантинга олинмаганининг сабаби улар вилоятлик бўлиб, 14 кун давомида ўз оиласига, яъни уйларига боришмаган экан.
Вирус аниқланган қурувчилар ишлаган қурилиш ташкилотида бугунги кунда жиддий карантин ва дезинфекция ишлари олиб борилмоқда.
