“Тошшаҳартрансхизмат” АЖнинг GPS назорат марказида олиб борилаётган техник ҳамда технологик янгиланишлар сабаб тизимда вақтинчалик узилиш юзага келди, дея хабар қилмоқда Жамият Ахборот хизмати.
"Мазкур янгиланишлардан мақсад бугунги замонавий ва инновацион лойиҳаларни тизимга жорий этиш, шу орқали назорат мониторингини ҳар тарафлама мукаммаллаштиришдир.
Эндиликда автобус қатновлари ҳамда унинг техник ва иқтисодий кўрсатгичлари мазкур тизим орқали ҳисоб-китоб қилиниши режалаштирилган.
Бу борадаги ишларни тез кунларда ниҳоясига етказилади. Юзага келган вақтинчалик ноқулайлик учун узр сўраймиз", - дейилади хабарда.
