Кўпчиликни қизиқтирган ушбу саволга Жаҳон соғлиқни сақлаш ташкилоти эксперти Аншу Банержи жавоб берди.
"Коронавируснинг гўдакларга кўкрак сути орқали юқиши мумкинлиги тўғрисидаги қарашлар ҳали ўз тасдиғини топганича йўқ", – дейди у.
Экспертнинг таъкидлашича, бугунги кунга қадар кўкрак сутида тирик вируслар аниқланмаган.
«Шу сабабли коронавируснинг онадан болага юқиш хавфи тасдиқланмаган», — дейди мутахассис.
Ана шундан келиб чиқиб ЖССТнинг бошқа бир мутахассиси Мария ван Керкхове ташкилот CОVID-19 билан касалланган оналарга болалар учун хавфсиз бўлгани боис эмизишни давом эттиришни тавсия қилишини айтиб ўтди.
