Интернет нашрларида Қўқон шаҳри солиқ идорасида меҳнат қонунчилигига риоя этилмаётганлиги ҳақида хабар тарқалган эди. Меҳнат вазирлиги ҳолатга изоҳ берди.
"Мазкур маълумот бўйича Давлат меҳнат инспекцияси текширув олиб борди. Ўрганиш давомида Қўқон шаҳар Давлат солиқ инспекциясининг ходимлари билан мулоқот олиб борилди. Уларнинг берган маълумоти ва тушунтириш хатларига кўра, мажбурий меҳнат ёки иш вақтидан ташқари ноқонуний ишга жалб этиш ҳолатлари содир этилмаган" дейилади муносабатда.
