Қозоғистон ҳукумати мамлакатда коронавирусдан зарарланганлар сони кескин ошиб кетиши натижасида 20-21 июндан бошлаб қатъий карантин тартибини жорий қилиш ҳақида қарор қилган.
Унга кўра Нурсултон, Олма-ота, Караганда, Чимкент, Павлодар ва Экибастуз шаҳарларида:
* барча савдо марказлари, дўконлар тармоғи, озиқ-овқат ва ноозиқ-овқат савдо мажмуалари, бозорлар ёпилади;
* кафе, ресторанларга фақат очиқ ҳавода, кўча форматида ижтимоий масофа ва санитария талаблари асосида рухсат берилади;
* жамоат транспорти ҳаракатланиши чегараланади;
* ҳиёбон, боғ, пляж, аквапарк ва сайр учун мўлжалланган жойлар ёпилади;
* фитнесс-клублар тўхтатилади.
Дам олиш кунлари Нурсултон шаҳрида автобуслар ҳаракатланмайди, Олма-отада оммавий тадбирлар қолдирилган. Лекин ҳали шаҳарлар ўртасида блок-постлар қайта тикланиши ва кириш-чиқиш қатъий назоратга олиниши маълум қилинмаган.
