“Тошшаҳартрансхизмат” АЖ йўловчилик қоидасига амал қилмаётган йўловчиларга мурожаат билан чиқди:
"Карантин талаблари юмшатилиб, жамоат транспорти – автобуслар қатновига рухсат этилгач, йўловчилар учун бир мунча қулайликлар яна ўз ҳолига қайта бошлади. Йўловчи оқими паст бўлишига қарамай атвобуслар ўз вақтида қатнамоқда. Барчамиз гувоҳ бўлаётганимиздек, йўналишлардаги автобуслар куннинг асосий қисмида бўш ҳаракатланаётгани ҳам айни ҳақиқат.
Айни шу кунларда айрим йўловчилар автобусдан фойдаланиб, йўл ҳақи тўловидан бўйин товлаётгани ҳайдовчи ва айниқса, кунлик режага масъул бўлган чиптачиларнинг норозилигига сабаб бўлмоқда.
Масалан, жорий йилнинг 22 июнь куни йўловчи Т.Д. 94- йўналишда ҳаракатланаётган, Азамат Ёқубов бошқарувидаги автобусга чиқиб, йўл ҳақи тўламаган. Ўртада ўзаро келишмовчилик юзага келган. Руҳий зўриқиш натижасида чиптачи Раъно Мелиеванинг саломатлиги ёмонлашган ва тез ёрдам хизмати чақирилган. Оқибатда автобуснинг кунлик қатнови издан чиққан.
Азиз йўловчилар!
Йўлда ҳаракатланаётган ҳайдовчи ва чиптачилар ишига бу тарзда ҳалақит берманг. Чунки, кун давомида юзлаб йўловилар билан мулоқотда бўлиб, ўз вазифасини бажараётган бу заҳматкашлар сизу бизнинг хавфсизлигимиз ва саломатлигимизга масъулдир.
Қолаверса, транспорт хизматидан фойдалангач, йўл ҳақини тўалшни унутманг. Акс ҳолда сизнинг бу масъулиятсизлигингиз маъмурий жавобгарликка сабаб бўлиши мумкин", - дейилади хабарда.
