Россия мудофаа вазирлиги билан ҳамкорликда тайёрланган вакцина инсонни икки йилгача коронавирусдан асрайди, деди Гамалеи номидаги эпидемиология ва микробиология миллий тадқиқот маркази директори Александр Гинсбург.
Марказнинг мудофаа вазирлиги билан ҳамкорликда тайёрлаган вакцинаси Бурденко касалхонасида 18 та кўнгиллиларда клиник синовдан ўтказилмоқда. Синовни июлнинг охирида ниҳоясига етказиш режалаштирилган.
«Вакцина танага икки марта юборилади. Ушбу вакцинани бустер вариантида (кучайтирилган) қабул қилган одам икки йил, эҳтимол ундан ҳам узоқ муддат коронавирусга чалиниш эҳтимолидан ҳимояланган бўлади», - деди у.
Врачнинг таъкидлашича, препаратнинг бундай узоқ муддат таъсир қилиши Африка Гвинеяда Эбола вирусига қарши вакцина устидан олиб борилган тадқиқотлар натижасида исботланди.
