АОКА ҳузуридаги штабда Санитария-эпидемиологик осойишталик агентлиги директорининг биринчи ўринбосари Ботир Қурбонов иштирокида брифинг бўлиб ўтди. Унда аҳоли томонидан йўлланган саволларга жавоб қайтарилди.
Хусусан, Қозоғистондан Ўзбекистонга ўтиш олдидан таҳлил топширса, 14 кунлик карантинга олинмайдими, деган савол берилди.
Маълум қилинишича, Республика махсус комиссиясининг қарорига кўра, Япония, Жанубий Корея, Хитой Халқ Республикаси ва Исроил давлатида охирги 14 кун ичида бўлиб турган ва Ўзбекистонга кириб келган шахслар карантин назоратига олинмайди.
Европа Иттифоқи, Малайзия, Таиланд, Сингапур давлатларидан келган шахслар 14 кун давомида уй карантинига олинади, қолган бошқа давлатлардан Ўзбекистонга кириб келган шахслар эса 14 кун давомида карантин назоратида сақланади
