Россиянинг Волгоград шаҳрида 10 нафар Ўзбекистон фуқаросида коронавирус аниқланди, дея хабар бермоқда "Дунё" ахборот агентлиги.
Келтирилишича, Волгоград давлат аграр университетида таҳсил олувчи ўзбекистонлик талабаларда коронавирус аниқланган ва улар шифохонага ётқизилган. Беморлар билан алоқада бўлган шахслар эса университет ётоқхонасида карантинга олинган.
Ўзбекистоннинг Ростов-Дондаги Бош консулхонаси университет маъмурияти билан алоқа ўрнатган ва вазият назоратга олинган, дейилади хабарда.
