НАСА коронавирусдан ҳимоя қилувчи тақинчоқ ишлаб чиқарди. Уни таққан одам юзи ва кўзига кўп тегинаверса, тақинчоқдаги вибрация ишлаб кетади. Ушбу безак 3D -принтерда чоп этила бошлайди. Бу ҳақда “Daily Mail” нашрига асосланиб qalampir.uz ёзмоқда.
Нашрнинг таъкидлашича, инфрақизил сенсори бўлган қурилма одамнинг юзига жуда яқин келадиган қўлни аниқлайди. У ҳаракатни аниқлаганида, маржоннинг ичидаги кичик восита ишлай бошлайди. Шундай қилиб, ишлаб чиқувчилар коронавируснинг танага кўзлар, шунингдек, бурун ва оғиз орқали киришининг кенг тарқалган усулини тўхтатишга қарор қилишди.
Шу билан бирга, НАСА ушбу воситани ниқоб билан бирга, шунингдек, коронавирус инфекциясидан ҳимоя қилувчи бошқа воситалар билан бирга фойдаланишни тавсия этган. Бундан ташқари, ишлаб чиқувчилар моделни бошқа рангларда ҳам чиқаришга ваъда беришди.
