Мамлакатимизнинг Япониядаги элчихонаси маълумотига кўра, шанба куни Япониянинг жануби-ғарбий ҳудудларида кузатилган кучли ёғингарчилик натижасида ҳалок бўлган ва жабрланганлар ичида Ўзбекистон фуқаролари йўқ, деб хабар бермоқда «Дунё» АА.
ОАВ хабарларига кўра, кучли сел таъсирида Кумагава дарёсининг тошиши натижасида Кумамура (Кумамото префектураси) қишлоғидаги қариялар уйини сув босган. Воқеа жойига этиб келган қутқарувчилар 14 кишини клиник ўлим белгилари билан чиқариб олишди. Кўчки оқибатида икки киши вафот этган, тўққиз киши бедарак йўқолган.
Мамлакат Миллий метеорология бошқармаси дарёларнинг тошиши, кўчкилар ва ҳудудларни сув босиши хавфи ҳақида огоҳлантирмоқда.
Кумамото префектурасининг баъзи туманларида кунига 479,5 мм ёмғир ёғган.
