Коронавируснинг янги — иккинчи тўлқини ноябрь-декабрь ойларида юз бериши мумкин. аломатлари куз-қиш ойларида кенг тарқаладиган юқори нафас йўллари инфекциялари (ОРВИ) билан деярли бир хил бўлган касалликни назорат қилиш янада қийин бўлади.
Бу ҳақда шифокорларнинг бутунжаҳон касаба уюшмаси WMA’нинг собиқ раҳбари профессор Леонид Эйдельман айтиб ўтди.
Олимнинг таъкидлашича, касалликнинг янги тўлқинига жиддий тайёрланиш лозим:
«Ҳар йилдаги каби ноябрь-декабрда нафас йўллари касалликлари кўпайишини англаш лозим. Шу сабабли йўталаётган, аксираётган касалларни коронавирусга чалинганлардан фарқлаш қийин бўлади. Айнан шу катта муаммодир».
Коронавируснинг кузги тўлқини карантин чекловлари бекор қилингани сабабли ёзгисидан кучлироқ бўлади.
Ҳозирда коронавирусга чалинганлар сони бутун дунёда кўпаймоқда. «Аслида касалланганлар сони аниқланганларидан кўпроқни ташкил қилади, негаки яширин шаклини бошдан кечираётганлар ва вирусни енгил ўтказганлар ҳам аҳоли орасида мавжуд», деб қўшимча қилган Эйдельман.
