Пандемия шароитида 1-синфга қабул жараёни янада осонлашгани ҳақида Халқ таълими вазирлиги қуйидагича эълон берди:
"Ҳурматли ота-оналар!
Коронавирус пандемияси шароитида фарзандингизни мактабга қабул қилиш жараёнида дуч келадиган навбатда тўпланиб туриш ва ортиқча сарсонгарчиликларни бартараф этиш мақсадида Халқ таълими вазирлиги томонидан жорий йилнинг 6 июлидан бошлаб 2020-2021 ўқув йилига қабул қилишнинг электрон навбат тизими яратилди.
1-синф қабулига навбатга туриш интернет тармоғидаги www.qabul.maktab.uz веб-портали орқали онлайн навбат асосида амалга оширилади.
Онлайн навбатга ёзилиш тартиби ёритилган батафсил видео йўриқномани томоша қилинг.
Шунингдек батафсил маълумотни Халқ таълими вазирлигининг расмий телеграм канали @uzedu орқали билиб олишингиз мумкин".
Эслатма: Мазкур тартиб синов тариқасида дастлаб Тошкент шаҳрида амалга оширилади. Синов натижаларига кўра кейинги ўқув йилларидан бошлаб Республикамизнинг бошқа ҳудудларида жорий этилади.
