Бразилия президенти Жаир Болсонару ўзида коронавирус инфекциясининг аломатлари борлигини айтди. Бу ҳақда у президент қароргоҳи олдида ўз тарафдорлари билан учрашув чоғида айтиб ўтди, деб ёзмоқда Estada га таяниб Соф.уз.
Болсонарунинг сўзларига кўра, унинг ҳарорати кўтарилди ва у ўпканинг магнит-резонанс томографиясини ўтказди, бу эса бирон бир анормалликни аниқламади.
Президент коронавирус учун синовдан ўтди, унинг натижаси 7 июль куни кутилмоқда. R7 порталига кўра у гидрокциклорокин дорисини қабул қила бошлаган.
Президент тарафдорлари билан бўлган учрашувда ниқоб кийиб, одамлардан унга мурожаат қилмасликни сўради.
Март ойида Бразилия президенти маъмурияти ҳузуридаги Жамоатчилик билан алоқалар бўйича котибият раҳбари Фабио Вайнартенда коронавирус аниқлангандан кейин, Болсонару коронавирусга тест топширган эди. Бу воқеалардан сал аввалроқ иккала амалдор ҳам расмий ҳам делегация таркибида АҚШга ташриф буюрган ва президент Доналд Трамп ва унинг атрофидагилар билан учрашганди.
Дастлаб, оммавий ахборот воситалари президентнинг синови ҳам ижобий натижа бергани ҳақида хабар беришди, аммо кейинчалик Болсонару ўзи бу хабарларни рад этди ва "сохта хабарларга" ишонмасликка чақирди.
Қисқа вақтдан сўнг делегация таркибига кирган яна иккита Бразилия расмийларида коронавирус қайд этилди.
Бир неча кун ўтгач Бразилия раҳбари иккинчи марта коронавирусга тест топширган эди, иккинчи натижа ҳам салбий чиққан.
Жон Хопкинс университети маълумотларига кўра, Бразилия коронавирус аниқланиш ҳолатлари бўйича дунёда иккинчи ўринда туради. Мамлакатда, 1,6 миллион касалланганлар бор, улардан 65,4 минг нафари аллақачон вафот этган.
