Кеча, 6 июль куни Қорақалпоғистон Республикаси ФВБ ходими – подполковник Радмир Чимбергенов чўкиб кетаётган икки одамдан бирини қутқариб қолишга муваффақ бўлди. Бу ҳақда ФВВ Ахборот хизмати хабар қилди.
Подполковник Радмир Чимбергенов Нукус марказидаги уйи яқинида жойлашган Каттагар канали бўйлаб тунги саёхатга чиққан эди.
Айни шу вақтда Радмир ёрдам сўраб чақираётган боланинг қичқириғини эшитди. ФВБ ходими атрофга назар ташлар экан, саккиз ёшлар атрофидаги бола ҳамда бир эркакнинг сувда чўкаётганига гувоҳ бўлди.
Подполковник Чимбергенов ўйлаб ўтирмай, шу заҳоти ўзини сувга ташлаб, биринчи навбатда болакайни қутқарди.
Минг афсуски, болакай билан бирга чўкаётган одамни қутқаришнинг имкони бўлмайди.
Кейинчалик маълум бўлишича, бир неча кишидан иборат гуруҳ тақиқланган жойда чўмилган.
Чўкиб кетган 35 ёшли эркакнинг эса маст ҳолатда бўлганлиги аниқланган.
