ДТМ нинг хабар беришича 2020-йил 7-8-июль кунлари чет тилини билиш ва эгаллаш даражасини аниқлаш тест синовларининг ёзма (тинглаб тушуниш, ўқиш, лексик ва грамматик компетенсиялар, ёзма иш) қисми бўлиб ўтди.
Тест синовлари инглиз, немис, француз, хитой, япон, корейс, турк, араб ва форс тилларидан A2, B1, B2 ва C1 тилни билиш даражалари бўйича ўтказилди.
Унда жами 608 нафар талабгордан 510 нафари иштирок этди, 98 нафари эса тест синовларида қатнашмади.
Тест синовларида иштирок этган талабгорлар учун гапириш кўникмасини баҳолаш имтиҳонлари 9-10-11-июл кунлари бўлиб ўтиши режалаштирилган эди. Аммо карантин сабаб ушбу имтиҳонларнинг тақдири нима бўлишига ҳозирча аниқлик киритилмади.
