Корея Республикасида вақтинчалик меҳнат фаолиятини амалга ошириш вақтида меҳнат таътили олиб, Ўзбекистонга қайтган бироқ, СОVID-19 вирусининг тарқалиши сабабли иш жойига қайта олмаётган фуқаролар диққатига муҳим маълумот эълон қилинди.
Хабарингиз бор жорий йилнинг 10 июнь кунидан бошлаб Ташқи меҳнат миграцияси агентлиги ҳамда қатор давлат идоралари ҳамкорлигида Корея Республикасидан таътил учун қайтган фуқароларни мунтазам равишда мавжуд чартер рейслар орқали ташкилий тарзда жўнатилиши йўлга қўйилган эди.
Ҳозирги кунга қадар жами таътилга келган 105 нафар фуқаро Корея Республикасига ташкилий тарзда жўнатилган ва уларнинг 2 нафарида коронавирус инфекцияси аниқланган.
Юқоридагиларни инобатга олиб ҳамда Ўзбекистон Республикаси ҳудудидаги эпидемиологик вазиятни кескинлашганлиги сабабли Корея Республикасига ишчи визаси (E-9 визаси) орқали кириб борувчи фуқаролардан талаб этилиши лозим бўлган тегишли ҳужжатларга ўзгартириш киритилганлиги сабабли жорий йилнинг июль ойидаги чартер рейслар орқали таътилга келганларни ташкилий жўнатилиши режалаштирилган Е-9 визасига эга фуқароларни вақтинчалик Корея Республикасига кириб бориши кечиктирилишини маълум қиламиз.
Корея Республикаси томонидан ишчи визасига эга фуқароларнинг Корея Республикасига кириш учун тақдим этилиши талаб қилинадиган ҳужжатлар тўғрисида қўшимча равишда маълум қиламиз.
Маълумот учун 71-202-33-55 телефон рақамига мурожаат қилишингиз мумкин, дейилади хабарда.
