Америкалик аёл Covid-19 билан касалланган, аммо унда вирус аломатлари кузатилмаган. Аёл ўзи билмаган ҳолда лифтда бор йўғи бир дақиқа давомида ҳаракатланган ва 71 кишига вирус юқтирган. Бу ҳақда AҚШ Касалликларни назорат қилиш маркази томонидан ўтказилган тадқиқотда айтилган, – дея интернет манбаларга таяниб msn.com.ru хабар берди.
Олимлар вирус юқтирган битта одамнинг эпидемиологик вазиятга қандай таъсир қилиши мумкинлигини аниқлашга ҳаракат қилишди.
Оммавий инфекция ҳолатларини ўрганишда мутахассислар Хитойнинг иккита касалхонасида эпидемияни текширдилар. Маълум бўлишича, инсультга чалинган, янги вирусни юқтирган одам тиббий муассасалардан бирига олиб келинган. Даволаниш пайтида у 20 кишига, жумладан ўғилларига касалликни юқтирган. Улар эса яна 28 кишининг касалликка мубталол қилишган.
Шифокорлар узоқ вақт давомида биринчи хасталанган одамнинг вирусни кимдан юқтирганини билиш учун суриштирув олиб боришди. Охир-оқибат, инсультга чалинган одам яшаган кўп қаватли уйнинг барча аҳолисини текширишди. Маълум бўлишича, ушбу уйда яшовчилардан бири AҚШдан келган ва ўзини яхши ҳис қилган. Мутахассислар унинг вирус ташувчи бўлганини гумон қилишди ва барча ҳаракатлари схемасини тузишди. Бирон бир касаллик юқтирган одам билан алоқаси йўқлигини аниқладилар. Шундай қилиб, мутахассислар аёл инфекцияни вирусга чалинган одам фойдаланган лифт орқали юқтирган деган хулосага келишди. Эҳтимол, бошқа одамлар ҳам лифт тугмаларига тегиниб, вирус юқтирган.
"Бизнинг натижаларимиз шуни кўрсатадики, битта аломатларсиз бемор ҳам инфекциянинг кенг тарқалишига олиб келиши мумкин", – дея хулоса қилди тадқиқот муаллифлари.
