Бугун Халқаро пресс-клуб Ўзбекистонда коронавирус тарқалиши билан боғлиқ вазиятни таҳлил қилиш учун навбатдаги сессиясини ташкил этди. Унда Бош вазир ўринбосари Беҳзод Мусаев иштирок этди.
Маълум қилинишича, Тошкент шаҳрида 83 та ПСР лабораторияси ўрнатилди. Барча вилоятларда эса камида 5 тадан ПСР лабораторияси ўрнатилган. Тошкент шаҳрида Тез ёрдам машиналари 250 та етказилди. Шу ҳафтанинг якунига қадар 300 тага чиқарилади.
"Коронавирус билан шуғулланувчи ҳамширага 14 кун учун 5 млн, шифокорларга 25 млн, кичик шифокорга 15 млн миқдорда маблағ белгиланди. Ушбу амалиётни амалга оширган ҳеч бир шифокор тўловсиз қолиб кетмайди. Шифокорларга ишини бажариб бўлгач албатта пули берилади, керак бўлса пулини 40 фоизи олдиндан берилади", - деди Бош вазир ўринбосари.
