ЖССТ мутахассисларидан бири Майк Раяннинг 22 июль куни берган баёнотига кўра, ҳозирда тадқиқотчилар коронавирусга қарши вакцина яратишда муваффақиятли тадқиқот олиб боришмоқда. Ҳозирда бир нечта вакциналар охирги синов босқичидан ўтказилмоқда. Лекин, бу вакциналарнинг кенг оммага тақдим этилишини 2021 йилдан олдин юз беришига умид қилмаслик керак.
“Ҳозирда глобал миқёсда CОVID-19 билан касалланганлар сони рекорд даражада ошиб борар экан ЖССТ коронавирус вакцинасини дунё бўйлаб адолатли йўл билан тарқатилишини таъминлаш бўйича иш олиб бормоқда. Биз муваффақият билан ҳаракатланмоқдамиз. Аммо, вазиятга реал баҳо берадиган бўлсак, одамларни коронавирусга қарши эмлаш кейинги йилнинг биринчи чорагида бошланади” дейди ЖССТнинг фавқулодда ҳолатлар дастури раҳбари Майк Раян.
Шунингдек, Раян айни пайтда ЖССТ вакциналарнинг барчага етиб бориши ва уни ишлаб чиқариш ҳажмини оширишга ҳаракат қилаётганини ҳам айтиб ўтди, деб ёзмоқда интернет манбаларга таяниб Таржумон.уз.
“Биз вакцинанинг тарқатилишида адолат билан иш олиб боришимиз керак. Чунки, бу бутун дунёга керакли маҳсулотдир. Коронавирус пандемиясига қарши вакциналар бойлар ёки камбағаллар учун эмас, балки барча учун бирдек зарурдир” – дейди Раян.
