Қорақалпоғистон Республикаси прокуратураси хабар беришича, жорий йилнинг 22 июль куни соат 21:40лар чамасида Қораўзак тумани Ички ишлар бўлими бошлиғи Р. М. ўзига бириктирилган бошқарувидаги “Nexia-3” русумли хизмат автомашинасини бошқариб кетаётиб, йўл четида велосипед билан ҳаракатланиб бораётган фуқарони уриб юборган.
Ҳодиса Қораўзак тумани Бердах ОФЙ ҳудудидан ўтувчи “Нукус-Чимбой-Тахтакўпир” йўлида содир бўлган. Жабрланувчи шу тумандаги С.Камалов ОФЙда яшовчи 1997 йил туғилган фуқаро Н.А. бўлиб, у ушбу ЙТҲ натижасида олган тан жароҳатидан ўзига келмасдан вафот этган.
Мазкур ҳолат юзасидан Ўзбекистон Республикаси ЖКнинг 266-моддаси 2-қисми билан жиноят иши қўзғатилди.
Тергов ҳаракатлари олиб борилмоқда.
