Бош прокуратура ҳузуридаги Департаментнинг Сардоба туман бўлими томонидан ўтказилган терговга қадар текширувда, фуқаро М.Ж., Сардоба туман 21-сонли мактабга эвакуация қилинган аҳоли учун зарур ноозиқ-овқат маҳсулотларини олиб келиш мақсадида, Сардоба туман Қизил ярим ой жамияти раҳбари номидан соҳта ҳужжатлар тайёрлагани аниқланган.
Шу йўл билан у 53 млн сўмлик маҳсулотларни махсус омбордан олиб чиқиб, номаълум шахсларга сотиб юборган.
Бош прокуратура Матбуот хизматининг бизга берган маълумотига кўра, мазкур ҳолат юзасидан М.Ж.га нисбатан Жиноят кодексининг 168-моддаси 3-қисми “б” банди билан жиноят иши қўзғатилиб, тергов ҳаракатлари ўтказилмоқда.
