Бу ҳақда ИИВ ЙҲХББ Ахборот хизмати маълум қилди.
Қайд этилишича, мазкур кунларда йўлларда ҳаракат хавфсизлигини таъминлаш мақсадида:
- Тошкент шаҳридан қўшимча ЙПХ ходимлари жалб этилди;
- дам олиш масканларига кириш ва чиқишда қатъий назорат ташкил этилиб, тегишли йўл белгилари ўрнатилди;
- 40 дан ортиқ махсус автомобиллар ёрдамида йўллар қор ва музламалардан тозаланди.
Тезкорлик билан кўрилган чоралар ўз самарасини бериб, тирбандликлар бартараф этилди ва йўл ҳаракати қатнашчиларининг хавфсизлиги таъминланди.
Эслатиб ўтамиз, 1, 2, 3 январь кунлари дам олиш кунлари бўлгани сабабли республикамизнинг барча ҳудудларидан Тошкент вилоятининг Бўстонлиқ туманидаги тоғли ҳудудларда жойлашган дам олиш масканларига фуқаролар келиши кўпайган. 2 январь куни соат 10:00га қадар Бўстонлиқдаги дам олиш масканлари автотураргоҳлари автомобиллар билан тўлган. Шу сабаб, шу кунларда Бўстонлиқдаги йўлларда вақти-вақти билан автомашиналар қатнови чеклангани хабар қилинган эди.
Мавзуга доир:
5 январь кунига қадар Бўстонлиқдаги айрим автомобиль йўлларида ҳаракатланиш ўзгарди.
