Аввал хабар берганимиздек, бугун 8 январь куни соат 10:27да ва 10:31да Талимаржон ИЭСнинг 2- ва 3- буғ-газ қурилмаларида (жами 900 МВт қувват) энергоблок технологик ҳимоясининг ишлаши натижасида ушбу БГҚлари фаолияти тўхтатилган.
Бунинг натижасида, республиканинг айрим ҳудудлари бўйлаб электр энергияси таъминотида умумий 446 МВт қувватда чеклов киритилмоқда.
Энергетика вазири Алишер Султонов бошчилигидаги мутахассислар зудлик билан мазкур станцияга учиб кетди, дея хабар қилмоқда Вазирлик Матбуот хизмати.
Ҳозирги вақтда юзага келган тўхтатилиш сабаблари аниқланмоқда, дейилади хабарда.
Эслатиб ўтамиз, айни пайтда Қашқадарё вилоятининг 7 та туман ва 1 та шаҳри электр таъминтидан бутунлай узилган.
